8 ամիս անց Գեւորգ Ղազարյանը վերադարձել է խաղադաշտ

16:00   3 դեկտեմբերի, 2017

Պորտուգալական «Մարիտիմուի» եւ Հայաստանի ազգային հավաքականի կիսապաշտպան Գեւորգ Ղազարյանը երկարատեւ ընդմիջումից հետո վերադարձել է խաղադաշտ:

Պորտուգալիայի առաջնության 14-րդ տուրում «Մարիտիմուն» 1:1 հաշվով է ավարտել «Մորեյրենսեի» դեմ արտագնա հանդիպումը, իսկ Ղազարյանը 74-րդ րոպեին դուրս է եկել փոխարինման: Դա 29-ամյա կիսապաշտպանի առաջին հանդիպումն էր 8 ամիս առաջ ստացած ծնկի ծանր վնասվածքից հետո:

Հիշեցնենք, որ Գեւորգ Ղազարյանը ծնկի լուրջ վնասվածք էր ստացել Ղազախստանի հավաքականի դեմ աշխարհի առաջնության ընտրական խաղում, որը կայացել էր մարտի 26-ին Երեւանում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։