Իվան Ռակիտիչ. Խորվաթիային բաժին է հասել բարդ խումբ, կլինի մեծ ճակատամարտ

Խորվաթիայի հավաքականի եւ «Բարսելոնայի» կիսապաշտպան Իվան Ռակիտիչը մեկնաբանել է 2018թ. աշխարհի առաջնության վիճակահանության արդյունքը: Խորվաթները եզրափակիչ մրցաշարի D խմբում կմրցեն Արգենտինայի, Իսլանդիայի եւ Նիգերիայի հավաքականների հետ:

«Խորվաթիային բաժին է հասել բարդ խումբ, կլինի մեծ ճակատամարտ: Մեզ սպասվում է պայքար լավագույն թիմերի դեմ: Անհամբեր սպասում եմ աշխարհի առաջնությանը, հատկապես, Արգենտինայի հետ դիմակայությանը: Ուրախ կլինեմ խաղալ իմ ընկերներ Մեսիի եւ Մասկերանոյի դեմ: Խորվաթիան ունի 1/8 եզրափակիչ դուրս գալու լավ հնարավորություններ»,- Ռակիտիչի խոսքը մեջբերում է Goal.com-ը:

A խումբ. Ռուսաստան, Սաուդյան Արաբիա, Եգիպտոս, Ուրուգվայ:

B խումբ. Պորտուգալիա, Իսպանիա,  Մարոկկո, Իրան:

C խումբ. Ֆրանսիա, Ավստրալիա, Պերու, Դանիա:

D խումբ. Արգենտինա, Իսլանդիա, Խորվաթիա, Նիգերիա:

E խումբ. Բրազիլիա, Շվեյցարիա, Կոստա Ռիկա, Սերբիա:

F խումբ. Գերմանիա, Մեքսիկա, Շվեդիա, Հարավային Կորեա:

G խումբ. Բելգիա, Պանամա, Թունիս, Անգլիա:

H խումբ. Լեհաստան,  Սենեգալ, Կոլումբիա, Ճապոնիա:

Աշխարհի առաջնությունը կանցկացվի հունիսի 14-ից հուլիսի 15-ը Ռուսաստանի 11 քաղաքներում՝ Մոսկվայում, Սանկտ Պետերբուրգում, Սոչիում, Կազանում, Նիժնի Նովգորոդում, Սարանսկում, Սամարայում, Դոնի Ռոստովում, Վոլգոգրադում, Կալինինգրադում եւ Եկատերինբուրգում: