«Ռեալը» չհաղթեց երրորդ դիվիզիոնի թիմին, բայց դուրս եկավ 1/8 եզրափակիչ

02:17   29 նոյեմբերի, 2017

Իսպանիայի գավաթի խաղարկության 1/16 եզրափակիչի պատասխան խաղում Մադրիդի «Ռեալն» ընդունեց Իսպանիայի երրորդ դիվիզիոնը ներկայացնող «Ֆուենլաբրադային» եւ բավարարվեց ոչ ոքի արդյունքով՝ 2:2 հաշվով: Արքայական թիմի կազմում դուբլի հեղինակ դարձավ իսպանացի հարձակվող Բորխա Մայորալը: Երկու ամսում առաջին անգամ, վնասվածքներից հետո խաղադաշտ դուրս եկավ «Ռեալի» ուելսցի խաղացող Գարեթ Բեյլը, որն առաջին հպումով դարձավ գոլային փոխանցման հեղինակ: 

Ֆրանսիացի Զինեդին Զիդանի գլխավորած թիմը դուրս եկավ 1/8 եզրափակիչ առաջին խաղում տարած 2:0 հաշվով հաղթանակի շնորհիվ:

Իսպանիայի Գավաթ, 1/16 եզրափակիչ, պատասխան խաղ

«Ռեալ» - «Ֆուենլաբրադա»՝ 2:2 (առաջին խաղ՝ 2:0)

Բորխա Մայորալ, 62, 70 – Լուիս Միլյա, 25, Ալվարո Պորտիլյա, 89



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։