Մայքլ Օուենի նորամուտը հաջող է ստացվել ձիասպորտում

19:20   25 նոյեմբերի, 2017

Անգլիայի հավաքականի, «Լիվերպուլի», Մադրիդի «Ռեալի» ու «Մանչեսթեր Յունայթեդի» նախկին հարձակվող Մայքլ Օուենը նորամուտն է նշել ձասպորտում: Լոնդոնից 40 կմ հեռավորության վրա գտնվող Ասկոտեում կայացած բարեգործական մրցմանը 37-ամյա անգլիացին գրավել է երկրորդ տեղը: 1400 մ մրցմանը մասնակցել են 10 ձիարշավորդները: Մրցմանը ներկա են եղել մի շարք հայտնի անձինք, այդ թվում՝ արքայազն Չարլզը:

«Չեմ կարող թաքցնել ուրախությունս, ինձ ամեն բան դուր եկավ: Մրցումից հետո ինձ զգում էի այնպես, կարծես աշխարհի առաջնության քառորդ եզրափակիչում դարձյալ խաղացել եմ Բրազիլիայի հավաքականի հետ: Հեռախոսս մի քանի օր անդադար զանգում էր: Ստանում էի նաեւ բազմաթիվ հաճելի հաղորդագրություններ»,- Մայքլ Օուենի խոսքը մեջբերում է Daily Mail-ը:

Հիշեցնենք, որ ֆուտբոլային կարիերան ավարտելուց հետո Օուենը զբաղվում է ձիարշավարանների բիզնեսով։ Անգլիացին մի քանի ձիարշավարան ունի Անգլիայի Չեշիր կոմսությունում:  



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։