Չեմպիոնների լիգա. «Բարսելոնան» դուրս եկավ փլեյ-օֆֆ, «Մանչեսթեր Յունայթեդն» առանց Մխիթարյանի պարտվեց
01:36 23 նոյեմբերի, 2017«Բարսելոնան» 5-րդ տուրից հետո նվաճեց Չեմպիոնների լիգայի 1/8 եզրափակիչի ուղեգիր:
A խմբում «Մանչեսթեր Յունայթեդը» Շվեյցարիայում նվազագույն հաշվով պարտվեց «Բազելին»՝ գոլ բաց թողնելով նախավերջին րոպեին: Հայաստանի հավաքականի կիսապաշտպան Հենրիխ Մխիթարյանն անգլիական թիմի հետ մեկնել էր հանդիպմանը, սակայն բացակայում էր հայտացուցակից: «Մանչեսթեր Յունայթեդը» 12 միավորով առաջին տեղում է: «Բազելն» ու Մոսկվայի ԲԿՄԱ-ն ունեն 9-ական միավոր:
C խմբում «Ռոման» Մադրիդում 0:2 հաշվով պարտվեց «Աթլետիկոյին» եւ 8 միավորով երկրորդ տեղում է: «Աթլետիկոն» 6 միավորով դեռ ունի վերջին տուրում ուղեգրի համար պայքարելու հնարավորություն:
D խմբում «Բարսելոնան» Թուրինում ոչ ոքի խաղաց «Յուվենտուսի» հետ՝ 0:0: Կատալոնական ակումբը 11 միավորով առաջին տեղում է եւ ապահովեց 1/8 եզրափակիչի ուղեգիրը: «Յուվենտուսն» ունի 8 միավոր: Պորտուգալական «Սպորտինգը» 3:1 հաշվով առավելության հասավ հունական «Օլիմպիակոսի» նկատմամբ եւ 7 միավորով պահպանում է փլեյ-օֆֆ դուրս գալու հնարավորություն:
Ավելի վաղ 1/8 եզրափակիչի ուղեգրեր նվաճել էին «Չելսին», ՊՍԺ-ն, «Բավարիան», «Մանչեսթեր Սիթին», «Տոտենհեմը», «Ռեալը», «Բեշիկթաշը»:
Չեմպիոնների լիգա, 5-րդ տուր
A խումբ
«Բազել» (Շվեյցարիա) - «Մանչեսթեր Յունայթեդ» (Անգլիա)՝ 1:0
Միխայել Լանգ, 89
ԲԿՄԱ (Ռուսաստան) - «Բենֆիկա» (Պորտուգալիա)՝ 2:0
Գեորգի Շչենիկով, 13, Նիվալդո Ժարդել, 56, ինքնագոլ
Մրցաշարային դրությունը. «Մանչեսթեր Յունայթեդ»՝ 12 միավոր, «Բազել»՝ 9, ԲԿՄԱ՝ 9, «Բենֆիկա»՝ 0:
B խումբ
ՊՍԺ (Ֆրանսիա) - «Սելթիկ» (Շոտլանդիա)՝ 7:1
Նեյմար, 9, 22, Էդինսոն Կավանի, 28, 79, Կիլիան Մբապե, 35, Մարկո Վերատի, 75, Դանի Ալվես, 80 - Մուսա Դեմբելե, 1
«Անդերլեխտ» (Բելգիա) - «Բավարիա» (Գերմանիա)՝ 1:2
Սոֆիան Հանի, 63 - Ռոբերտ Լեւանդովսկի, 51, Կորենտին Տոլիսո, 77
Մրցաշարային դրությունը. ՊՍԺ՝ 15, «Բավարիա»՝ 12, «Սելթիկ»՝ 3, «Անդերլեխտ»՝ 0:
C խումբ
«Աթլետիկո» (Իսպանիա) - «Ռոմա» (Իտալիա)՝ 2:0
Անտուան Գրիզման, 69, Կեւին Գամեյրո, 85
Հեռացում՝ Բրունո Պերես («Ռոմա»), 83, երկրորդ դեղին քարտ
«Ղարաբաղ» (Ադրբեջան) - «Չելսի» (Անգլիա)՝ 0:4
Էդեն Ազար, 21, 11մ, Վիլիան, 36, 85, Սեսկ Ֆաբրեգաս, 73, 11մ
Հեռացում՝ Ռաշադ Սադիխով («Ղարաբաղ»), 19
Մրցաշարային դրությունը. «Չելսի»՝ 10, «Ռոմա»՝ 8, «Աթլետիկո»՝ 6, «Ղարաբաղ»՝ 2:
D խումբ
«Յուվենտուս» (Իտալիա) - «Բարսելոնա» (Իսպանիա)՝ 0:0
«Սպորտինգ» (Պորտուգալիա) - «Օլիմպիակոս» (Հունաստան)՝ 3:1
Բաս Դոստ, 40, 66, Բրունո Սեզար, 43 - Օջիջա-Օֆոե, 86
Մրցաշարային դրությունը. «Բարսելոնա»՝ 11, «Յուվենտուս»՝ 8, «Սպորտինգ»՝ 7, «Օլիմպիակոս»՝ 1:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.