ՈւԵՖԱ-ն Հենրիխ Մխիթարյանին ընդգրկել է Եվրոպայի 50 լավագույն ֆուտբոլիստների թվում
15:40 22 նոյեմբերի, 2017ՈւԵՖԱ-ն ներկայացրել է 50 ֆուտբոլիստների, որոնք հավակնում են ընդգրկվել տարվա խորհրդանշական հավաքականում: Ցուցակում անգլիական «Մանչեսթեր Յունայթեդն» ունի 4 ներկայացուցիչ՝ Հայաստանի հավաքականի ավագ Հենրիխ Մխիթարյանը, ֆրանսիացի կիսապաշտպան Պոլ Պոգբան, իսպանացի դարպասապահ Դավիդ Դե Խեան ու վենեսուելացի պաշտպան Անտոնիո Վալենսիան, հայտնում է ակումբի կայքը:
«Դորտմունդի «Բորուսիայից» տեղափոխվելուց հետո Հենրիխ Մխիթարյանը շատ արդյունավետ էր Եվրոպայի լիգայում»,- գրում է «Մանչեսթեր Յունայթեդի» կայքը:
Հիշեցնենք, որ Եվրոպայի լիգայի նախորդ մրցաշարում Հենրիխ Մխիթարյանը մասնակցել էր 11 խաղի, դարձել 6 գոլի հեղինակ՝ աչքի ընկնելով նաեւ եզրափակիչում: «Մանչեսթեր Յունայթեդը» եզրափակիչ խաղում 2:0 հաշվով հաղթել էր Ամստերդամի «Այաքսին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։