FIDE Grand Prix. Լեւոն Արոնյանը պահպանեց առաջին տեղը միանձնյա
21:48 20 նոյեմբերի, 2017Իսպանիայի Պալմա դե Մալյորկա քաղաքում ընթացող ՖԻԴԵ Գրան պրի շարքի վերջին մրցաշարի 5-րդ տուրից հետո հայկական շախմատի առաջատար Լեւոն Արոնյանը պահպանեց առաջին տեղը միանձնյա: 5-րդ տուրում չինացի Դին Լիրենի հետ սեւերով ոչ ոքի խաղալուց հետո Լեւոն Արոնյանը վաստակեց 3.5 միավոր:
Հայ գրոսմայստերին հավասարվելու հնարավորություն ունեին ֆրանսիացի Մաքսիմ Վաշյե-Լագրավը, ամերիկացի Հիկարու Նակամուրան, Դին Լիրենը, ռուսաստանցիներ Պյոտր Սվիդլերն ու Դմիտրի Յակովենկոն եւ հնդիկ Պենտալա Հարիկրիշնան:
Սակայն այս գրոսմայստերները եւս վաստակեցին կեսական միավոր եւ 3 միավորով բաժանում են 2-6-րդ տեղերը:
Նոյեմբերի 21-ին մրցաշարում հանգստյան օր է: ՖԻԴԵ Գրան պրի շարքում լավագույն երկու արդյունքն ունեցող շախմատիստները կնվաճեն աշխարհի չեմպիոնի հավակնորդների մրցաշարի ուղեգրեր: Լեւոն Արոնյանը ուղեգիրն ապահովել է աշխարհի գավաթակիր դառնալու շնորհիվ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։