Ֆլորենտինո Պերեսը փոխարինող է փնտրում Զինեդին Զիդանին
18:09 20 նոյեմբերի, 2017Մադրիդի «Ռեալի» նախագահ Ֆլորենտինո Պերեսը պաշտոնանկ կանի թիմի գլխավոր մարզիչ Զինեդին Զիդանին, եթե Արքայական ակումբն այս մրցաշրջանում ոչ մի տիտղոս չնվաճի:
Ֆրանսիացի մասնագետից հետո Պերեսը կցանկանար թիմի գլխավոր մարզիչի պաշտոնում տեսնել աշխարհի չեմպիոն Գերմանիայի հավաքականի գլխավոր մարզիչ Յոահիմ Լյովին, որը 2018թ. աշխարհի առաջնությունից հետո, հավանաբար, կհեռանա Բունդեսթիմից, գրում է Don Balon-ը:
«Ռեալը» բանակցում է Լյովի հետ, սակայն մրցաշրջանի ընթացքում կտրուկ քայլերի չի դիմի եւ վերջնագրերով չի խոսի Զիդանի հետ:
Իսպանիայի առաջնության 12 տուրից հետո «Ռեալը» 24 միավորով երրորդ տեղում է եւ առաջատար «Բարսելոնային» զիջում է 10 միավոր, երկրորդ տեղում ընթացող «Վալենսիային»՝ 6 միավոր: 24 միավոր ունի նաեւ Մադրիդի «Աթլետիկոն»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։