Լոնդոնում ավարտված ATP-ի տարվա ամփոփիչ մրցաշարի հաղթողի տիտղոսը նվաճեց աշխարհի 6-րդ ռակետ Գրիգոր Դիմիտրովը:
Եզրափակիչում բուլղարացի թենիսիստը 3 սեթում առավելության հասավ բելգիացի Դավիդ Գոֆենի նկատմամբ՝ 7:5, 4:6, 6:3: Մրցախաղը տեւեց 2 ժամ 34 րոպե:
26-ամյա Դիմիտրովը նվաճեց կարիերայի 8-րդ տիտղոսը: Ամփոփիչ մրցաշարում հաղթելու համար նա կստանա 1.2 միլիոն եվրո, իսկ Գոֆենը կհարստանա 585 հազար եվրոյով:
Հիշեցնենք, որ կիսաեզրափակիչում Դավիդ Գոֆենը սենսացիոն հաղթանակ էր տարել աշխարհի երկրորդ ռակետ Ռոջեր Ֆեդերերի նկատմամբ, իսկ Դիմիտրովն ուժեղ էր գտնվել ամերիկացի Ջեկ Սոկից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։