Մադրիդի «Ռեալի» պորտուգալացի հարձակվող Կրիշտիանու Ռոնալդուի ընկերուհի Ջորջինիա Ռոդրիգեսը մայրանալուց հետո առաջին անգամ ներկայացել է հանրությանը:
AS-ի համաձայն՝ իսպանացի մոդելը Ռոնալդուի հետ ներկա է եղել Պորտուգալիայի հավաքականի ավագի 7-ամյա որդու՝ Կրիշտիանու կրտսերի խաղին: Այդ խաղում Ռոնալդուի որդին խփել է իր թիմի 8 գոլերից 6-ը:
Ջորջինիա Ռոդրիգեսը ներկայացել է ջինսային հագուստով, իսկ նրա կազմվածքը գրեթե չի փոխվել ծննդաբերելուց հետո: Հանդիպումից հետո Ռոնալդուն լուսանկարվել է պատանի ֆուտբոլիստների հետ եւ ինքնագրեր բաժանել նրանց:
Հիշեցնենք, որ օրեր առաջ ծնվել էր Ռոնալդուի չորրորդ զավակը: Ջորջինիա Ռոդրիգեսն ունեցել էր դուստր, որին անվանակոչել են Ալանա Մարտինա: Իսպանական մամուլի համաձայն՝ նրանց հարսանիքը տեղի կունենա 2018 թվականի օգոստոսին:
Այս տարվա հունիսի 8-ին 32-ամյա ֆուտբոլիստը նաեւ երկվորյակների հայր էր դարձել: ԱՄՆ-ում բնակվող փոխնակ մայրը նրանից ունեցել էր որդի եւ դուստր: Երկվորյակներին անվանակոչել էին Եվա ու Մատեո: Ռոնալդուի 7-ամյա որդին՝ Կրիշտիանու կրտսերը եւս ծնվել է փոխնակ մորից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։