«Մանչեսթեր Յունայթեդի» ղեկավարությունը ռեկորդային կլաուզուլա է սահմանել թիմի գլխավոր մարզիչ Ժոզե Մոուրինյոյի պայմանագրում:
Մինչեւ պորտուգալացի մասնագետի պայմանագրի ավարտը նրան ձեռք բերել ցանկացողները պետք է վճարեն 20 միլիոն ֆունտ ստերլինգ (մոտ 22,4 միլիոն եվոր), տեղեկացնում է Daily Mail-ը:
«Մանչեսթեր Յունայթեդը» ցանկանում է պահպանել Մոուրինյոյին եւ մտադիր է երկար համագործակցել 54-ամյա մարզիչի հետ:
Հիշեցնենք, որ Ժոզե Մոուրինյոն «Մանչեսթեր Յունայթեդը» գլխավորել է 2016թ. մայիսին՝ կնքելով 3 տարվա պայմանագիր: Նրա ղեկավարությամբ թիմը նվաճել է Անգլիայի սուպերգավաթը, Անգլիական լիգայի գավաթը եւ Եվրոպայի լիգայի գավաթը՝ նվաճելով նաեւ Չեմպիոնների լիգայի ընթացիկ մրցաշարի ուղեգիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։