Մոուրինյոն Անգլիայի հավաքականին համարում է ԱԱ-2018-ի ֆավորիտներից
22:42 17 նոյեմբերի, 2017«Մանչեսթեր Յունայթեդի» գլխավոր մարզիչ Ժոզե Մոուրինյոն կարծիք է հայտնել, որ Անգլիայի հավաքականը 2018թ. աշխարհի առաջնությանը եզրափակիչ մրցաշարի ֆավորիտներից մեկն է:
«Անգլիայի հավաքականը բոլոր շանսերն ունի աշխարհի առաջնությունում հաղթելու համար, քանի որ թիմում հանդես են գալիս բարձրակարգ ֆուտբոլիստներ: Նրանք ունեն ակումբային ֆուտբոլի լուրջ փորձ: Այդ խաղացողները յուրաքանչյուր շաբաթ հանդես են գալիս Պրեմյեր լիգայում, իսկ ոմանք խաղում են նաեւ Չեմպիոնների լիգայում: Ես մեծ ներուժ եմ տեսնում Անգլիայի հավաքականի մոտ, որը Մունդիալի ֆավորիտներից մեկն է»,- պորտուգալացի մարզիչի խոսքը մեջբերում է Mirror-ը:
Հիշեցնենք, որ աշխարհի առաջնության եզրափակիչ փուլը տեղի կունենա հունիսի 14-ից հուլիսի 15-ը Ռուսաստանի 11 քաղաքներում: Խմբային փուլի վիճակահանությունը կկայանա դեկտեմբերի 1-ին Մոսկվայում: Բոլոր մասնակիցներն ու վիճակահանության զամբյուղներն արդեն հայտնի են:
А զամբյուղ. Ռուսաստան, Գերմանիա, Բրազիլիա, Պորտուգալիա, Արգենտինա, Բելգիա, Լեհաստան, Ֆրանսիա.
В զամբյուղ. Իսպանիա, Պերու, Շվեյցարիա, Անգլիա, Կոլումբիա, Խորվաթիա, Մեքսիկա, Ուրուգվայ:
С զամբյուղ. Դանիա, Շվեդիա, Իսլանդիա, Կոստա Ռիկա, Թունիս, Եգիպտոս, Սենեգալ, Իրան:
D զամբյուղ. Սերբիա, Նիգերիա, Ճապոնիա, Մարոկկո, Պանամա, Հարավային Կորեա, Սաուդյան Արաբիա, Ավստրալիա:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։