Ամփոփիչ մրցաշար. Ֆեդերերը 100 տոկոսանոց ցուցանիշով ավարտեց խմբային փուլը
21:31 16 նոյեմբերի, 2017Աշխարհի երկրորդ ռակետ Ռոջեր Ֆեդերերը 100 տոկոսանոց ցուցանիշով ավարտեց Լոնդոնում ընթացող ATP-ի տարվա ամփոփիչ մրցաշարի խմբային փուլը եւ դուրս եկավ կիսաեզրափակիչ:
Երրորդ տուրում շվեյցարացի 36-ամյա թենիսիստը 3 սեթում 6:7, 6:4, 6:1 հաշվով հաղթեց խորվաթ Մարին Չիլիչին, որը պայքարը լքեց 3 պարտությամբ: Մրցախաղը տեւեց 1 ժամ 45 րոպե:
Նախորդ 2 տուրերում Ֆեդերերն ուժեղ էր գտնվել գերմանացի Ալեքսանդր Զվերեւից եւ ամերիկացի Ջեկ Սոկից, որոնք կվիճարկեն այս խմբի կիսաեզրափակիչի երկրորդ ուղեգիրը:
Շվեյցարացի թենիսիստը կարիերայում 10-րդ անգամ Ամփոփիչ մրցաշարի խմբային փուլը հաղթահարեց առանց պարտության:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։