Լեւոն Արոնյանի մասնակցությամբ մեկնարկում է ՖԻԴԵ-ի «Գրան պրի» եզրափակիչ փուլը

Իսպանական Մալյորկայում նոյեմբերի 16-ին մեկնարկում է ՖԻԴԵ-ի «Գրան պրի» վերջին՝ չորրորդ փուլը, որին մասնակցում է նաեւ Լեւոն Արոնյանը։

Շվեյցարական մրցակարգով (9 տուր) անցկացվող մրցաշարի առաջին տուրում հայկական շախմատի առաջատարը կմրցի ռուսաստանցի Դմիտրի Յակովենկոյի հետ։ Մասնակիցների թվում են նաեւ Մաքսիմ Վաշիե-Լագրավը (Ֆրանսիա), Հիկարու Նակամուրան (ԱՄՆ),  Դին Լիրենը (Չինաստան), Պյոտր Սվիդլերը (Ռուսաստան), Անիշ Գիրին (Հոլանդիա), Լի Չաոն (Չինաստան), Թեյմուր Ռաջաբովը (Ադրբեջան), Պենտալա Հարիկրիշնան (Հնդկաստան), Բորիս Գելֆանդը (Իսրայել), Պավել Էլյանովը (Ուկրաինա), Ֆրանցիսկո Վալեխո Պոնսը (Իսպանիա), Եվգենի Տոմաշեւսկին (Ռուսաստան), Ռիչարդ Ռապորտը (Հունգարիա), Էռնեստո Ինարկիեւը (Ռուսաստան), Ալեքսանդր Ռեւզանցեւը (Ռուսաստան) եւ Յոն Լյուդվիգ Համերը (Նորվեգիա):

Մրցաշարը կտեւի մինչեւ նոյեմբերի 25-ը, իսկ նոյեմբերի 21-ին մասնակիցները կհանգստանան։ Մցախաղերը կմեկնարկեն Երեւանի ժամանակով 17։00-ին, հայտնում են Հայաստանի շախմատային ֆեդերացիայից։

Հիշեցնենք, որ ՖԻԴԵ-ի «Գրան պրիի» ընդհանուր հաշվարկի առաջին եւ երկրորդ տեղ զբաղեցրած շախմատիստներն իրավունք կստանան մասնակցել աշխարհի չեմպիոնի կոչման հավակնորդների մրցաշարին: Մինչեւ այս ուղեգիր նվաճել են Լեւոն Արոնյանը, Դին Լիրենը, Սերգեյ Կարյակինն ու Վլադիմիր Կրամնիկը: