Ավստրալիայի հավաքականը դարձավ ԱԱ-2018-ի նախավերջին մասնակիցը
14:55 15 նոյեմբերի, 2017Ֆուտբոլի Ավստրալիայի հավաքականը դարձավ 2018թ. աշխարհի առաջնության եզրափակիչ մրցաշարի նախավերջին՝ 31-րդ մասնակիցը:
ԱԱ-2018-ի ընտրական փուլի պատասխան անցումային խաղում ավստրալացիները սեփական դաշտում 3:1 հաշվով հաղթեցին Հոնդուրասի հավաքականին, որի դեմ առաջին հանդիպումն ավարտել էին 0:0 հաշվով: Դաշտի տերերից երկրորդ խաղակեսում հեթ-տրիկի հեղինակ դարձավ անգլիական «Աստոն Վիլայի» պաշտպան Միլե Եդինակը, որը 2 գոլ խփեց 11 մետրանոցից:
Հիշեցնենք, որ Ավստրալիան անցումային խաղերի ուղեգիր էր նվաճել ասիական գոտու ընտրական մրցաշարից, իսկ Հոնդուրասը՝ հյուսիսամերիկյան:
Ավստրալիայի հավաքականը չորրորդ անգամ անընդմեջ նվաճեց աշխարհի առաջնության եզրափակիչ մրցաշարի ուղեգիր:
Մինչեւ այս Ռուսաստանում կայանալիք աշխարհի առաջնության եզրափակիչ փուլում իրենց տեղն ապահովել էին՝ Ռուսաստանի, Բրազիլիայի, Իրանի, Ճապոնիայի, Մեքսիկայի, Բելգիայի, Հարավային Կորեայի, Սաուդյան Արաբիայի, Գերմանիայի, Անգլիայի, Իսպանիայի, Նիգերիայի, Կոստա Ռիկայի, Լեհաստանի, Եգիպտոսի, Իսլանդիայի, Սերբիայի, Ֆրանսիայի, Պորտուգալիայի, Պանամայի, Ուրուգվայի, Կոլումբիայի, Արգենտինայի, Սենեգալի, Մարոկկոյի, Թունիսի, Շվեյցարիայի, Խորվաթիայի, Շվեդիայի եւ Դանիայի հավաքականները:
ԱԱ-2018, ընրական փուլ, պատասխան անցումային խաղ
Ավստրալիա - Հոնդուրաս՝ 3:1 (առաջին խաղ՝ 0:0)
Միլե Եդինակ, 54, 72 (11մ), 85 (11մ) – Ալբերտ Էլիս, 90+4
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.