«Մանչեսթեր Յունայթեդի» մամուլի ծառայությունը հրապարակել է եւս մեկ հատված Հայաստանի հավաքականի կիսապաշտպան Հենրիխ Մխիթարյանին նվիրված ֆիլմից:
«Գիտեի, որ բարդ կլինի, քանի որ ինձ սպասում էին նոր թիմ, նոր կենսակերպ, նոր մարզիչ, նոր ակումբակիցներ: Չէի կարող բաց թողնել այս մարտահրավերը: Չէի ցանկանա հետագայում ափսոսալ չարածի համար: Եթե դու օգտագործում ես հնարավորություններդ՝ հասնելով նպատակներիդ եւ իրագործելով երազանքներդ, ապա դառնում ես ավելի ուժեղ:
Կարիերայիս ընթացքում միշտ առաջընթաց եմ ունեցել եւ ակումբներն էլ փոխել եմ քայլ առ քայլ: Ես միշտ գիտեի, որ պետք է ավելիին հասնեմ: Եթե հաջողության էի հասնում մի թիմում, ապա ձգտում էի առաջ գնալ: Այդպես հայտնվեցի Մանչեսթերում: Այժմ ցանկանում եմ հաջողության հասնել այստեղ»,- ասել է Մխիթարյանը:
«Միկի. Հայ հերոս» ֆիլմի պրեմիերան նոյեմբերի 16-ին է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։