Պավլյուչենկոն հերքում է, որ «Արարատի» նախագահը տեղյակ չի եղել իր արձակուրդի մասին
18:47 14 նոյեմբերի, 2017Մոսկվայի «Արարատի» հարձակվող Ռոման Պավլյուչենկոն պատմել է ակումբի նախագահի եւ գլխավոր մարզիչի հետ տարաձայնությանների պատճառի մասին:
«Նախավերջին խաղից առաջ ես խոսեցի ակումբի նախագահի հետ եւ խնդրեցի վերջին խաղից ազատել, քանի երեխայիս խոստացել եմ ծով տանել: Այն ժամանակ երկրորդ տեղում գտնվող թիմի նկատմամբ ունեինք 15 միավորի առավելություն: Նախագահն ասաց, որ դեմ չէ, եթե գլխավոր մարզիչը թույլ է տալիս: Մարզիչն էլ ասաց, որ եթե նախագահը թույլ է տվել, ինքն էլ դեմ չէ: Հաջորդ օրը ես մեկնեցի ծովափ:
Հինգ օր հետո նախագահը հավաքել է թիմին եւ հայտարարել է, որ խզում է պայմանագիրս: Այժմ մենք բանակցում ենք ղեկավարության հետ եւ քննարկում ենք պայմանագրի խզման կետերը:
Մամուլում գրում են, որ ես առանց թույլտվության լքել եմ թիմը: Ամբողջ կյանքս ֆուտբոլում եմ եւ մտածել կարողանում եմ: Ես չեմ կարող առանց թույլտվության թողնել թիմը: Եթե ասեին, որ պարտադիր է իմ մասնակցությունը՝ ընտանիքս կմեկներ, ես ավելի ուշ կմիանայի նրանց: Իսկ հիմա ինձ ներկայացնում են որպես դավաճան: Գլխավոր տնօրենը հայտարարում է, որ նախագահը թույլ չի տվել ինձ:
Բայց պայմանագիրս խզելու երկրորդ պատճառն են նաեւ հայտնել: Չեն հավանում խաղս: 11 խաղում 9 գոլը քիչ է: Ցանկանում են երկու-երեք անգամ շատ խփեմ:
Ինձ խաբում են: Չգիտեմ՝ ինչու են այդպես վարվում: Զանգում եմ «Արարատի» նախագահին՝ չի պատասխանում: Երբ 3 միավոր ենք առաջ, Պավլյուչենկոն պետք է, երբ առավելությունը 15 միավոր է՝ այլեւս պետք չէ»,- ֆուտբոլիստի խոսքը մեջբերում է Championat.com-ը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.