Շվեդիայի հավաքականն աջակցել է հունական ԱԵԿ-ի կիսապաշտպան Յակոբ Յուհանսոնին, որը վնասվածք էր ստացել իտալացիների դեմ ԱԱ-2018-ի ընտրական փուլի անցումային երկրորդ խաղում (0:0):
Միլանի «Սան Սիրո» ստադիոնում անցկացված հանդիպման 19-րդ րոպեին 27-ամյա ֆուտբոլիստը փոխարինվել էր ծնկի վնասվածքի պատճառով: Յուհանսոնի մոտ կասկածվում է ծնկի խաչաձեւ կապանների կտրվածք: Եթե դա հաստատվի, նա բաց կթողնի Ռուսաստանում կայանալիք աշխարհի առաջնության եզրափակիչ մրցաշարը:
«Մենք մեկնում ենք աշխարհի առաջնությանը: Պետք է արժանին մատուցել Յակոբ Յուհանսոնին»,- գրել է Շվեդիայի հավաքականի մամուլի ծառայությունը՝ տեղադրելով լուսանկար:
Հիշեցնենք, որ առաջին խաղում Շվեդիայի հավաքականն իտալացիներին 1:0 հաշվով հաղթել էր Յակոբ Յուհանսոնի գոլի շնորհիվ:
Աշխարհի առաջնության եզրափակիչ մրցաշարն առանց իտալացիների նախորդ անգամ անցկացվել է 60 տարի առաջ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։