Դե Ռոսին պատմել է, թե ինչու է հրաժարվել փոխարինման դուրս գալ Իտալիա - Շվեդիա խաղում
12:35 14 նոյեմբերի, 2017Իտալիայի հավաքականի կիսապաշտպան Դանիելե Դե Ռոսին հրաժարվել է փոխարինման դուրս գալ Շվեդիայի թիմի դեմ ԱԱ-2018-ի ընտրական փուլի անցումային երկրորդ խաղում, որն ավարտվել էր 0:0 հաշվով: Միլանի «Սան Սիրո» ստադիոնում անցկացված խաղի երկրորդ խաղակեսում Իտալիայի հավաքականի գլխավոր մարզիչ Ջամպյերո Վենտուրան «Ռոմայի» կիսապաշտպանին հրահանգել է պատրաստվել դաշտ դուրս գալու, սակայն Դե Ռոսին նշել է, որ թիմին այդ պահին ավելի անհրաժեշտ է հարձակվող:
«Ես պարզապես ասացի, որ մենք մոտ ենք ձախողմանը, եւ մեզ անհրաժեշտ է հաղթել, այդ պատճառով թող նախավարժանքի դուրս գան հարձակվողները: Տակտիկայով զբաղվելն իմ գործը չէ: Վենտուրան հրաշալի մարդ է, այնպես որ ներողություն եմ խնդրում, եթե վիրավորել եմ որեւէ մեկին: Այդ պահին պարզապես մտածեցի, որ ավելի լավ կլինի, եթե իմ փոխարեն խաղադաշտ դուրս գա Լորենցո Ինսինյեն»,- Դե Ռոսիի խոսքը մեջբերում է Football Italia-ն:
Հիշեցնենք, որ Շվեդիայի հավաքականն ԱԱ-2018-ի ուղեգիր էր նվաճել առաջին խաղում նվազագույն հաշվով հաղթանակի շնորհիվ: Պատասխան խաղից հետո 34-ամյա Դե Ռոսին Ջորջո Կյելինիի, Անդրեա Բարցալի եւ Ջանլուիջի Բուֆոնի պես հայտարարել էր Իտալիայի հավաքականից հեռանալու մասին:
Ֆուտբոլի աշխարհի առաջնության եզրափակիչ մրցաշարն առանց իտալացիների նախորդ անգամ անցկացվել է 60 տարի առաջ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.