Հայաստանի ներկայացուցիչ Գրիգոր Մխիթարյանը ոսկե մդալակիր է դարձել Սոչիում ավարտված սամբոյի աշխարհի առաջնությունում:
Մարտական սամբոյի մրցաշարի 52 կգ քաշային կարգում Մխիթարյանը հասել է մինչեւ եզրափակիչ, որտեղ 7:0 հաշվով վստահ հաղթանակ է տարել Ղրղզստանը ներկայացնող Մուխամետալի Երգիշեւի նկատմամբ:
68 կգ քաշային Վաչիկ Վարդանյանը դարձել է աշխարհի փոխչեմպիոն: Եզրափակիչում Վարդանյանը 0:9 հաշվով պարտվել է ռուսաստանցի Դանիլ Վոեւոդինին:
Հիշեցնենք, որ նախօրեին մարզական սամբոյի մրցաշարի 52 կգ քաշային կարգում աշխարհի չեմպիոն էր հռչկավել Տիգրան Կիրակոսյանը, իսկ 57 կգ քաշային Մաքսիմ Մանուկյանը եւ 100 կգ քաշային Արսեն Խանջյանը նվաճել էին բրոնզե մեդալներ:
Սամբոյի աշխարհի առաջնությանն առաջին անգամ մասնակցեցին ռեկորդային՝ 93 երկրների շուրջ 1000 մարզիկներ: Վիճարկվեց մեդալների 27 հավաքածու: Թիմային հաշվարկում հաղթեցին ռուսները, որոնք նվաճեցին 24 մեդալ (17 ոսկե, 3 արծաթե եւ 4 բրոնզե): Հայաստանի թիմը մրցավայր էր մեկնել 15 սամբիստներով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։