Շվեյցարիայի հավաքականը նվաճեց Ռուսաստանում կայանալիք ֆուտբոլի 2018թ. աշխարհի առաջնության եզրափակիչ մրցաշարի ուղեգիր:
ԱԱ-2018-ի ընտրական մրցաշարի անցումային փուլի պատասխան խաղում շվեյցարացիները տանը գոլազուրկ ոչ ոքի խաղացին Հյուսիսային Իռլանդիայի հավաքականի հետ, որին հյուրընկալվելիս հաղթել էին նվազագույն հաշվով:
Բազելում կայացած հանդիպման առաջին խաղակեսում Շվեյցարիայի հավաքականն ուներ նկատելի առավելություն եւ ստեղծեց մի քանի իրական գոլային պահեր, որոնք չօգտագործեց: Ընդմիջումից հետո ավելի լավ տեսք ուներ բրիտանական թիմը, սակայն շվեյցարացիները կարողացան պահպանել ցանկալի արդյունքը, թեեւ վերջնամասում կորցրին եւս մի քանի գոլային պահեր:
Շվեյցարիայի հավաքականը դարձավ ԱԱ-2018-ի 27-րդ մասնակիցը:
ԱԱ-2018, անցումային փուլ, պատասխան խաղ
Շվեյցարիա – Հյուսիսային Իռլանդիա՝ 0:0 (առաջին խաղ՝ 1:0)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։