«Շախտյորի» պաշտպան. Հենրիխ Մխիթարյանն իմ տեսած 2 անհավանական պրոֆեսիոնալներից մեկն է
18:10 12 նոյեմբերի, 2017Դոնեցկի «Շախտյորի» ուկրաինացի պաշտպան Սերգեյ Կրիվցովը, անդրադառնալով դոպինգ օգտագործելու մեջ կասկածվող իր ակումբակից Դարիո Սրնային, խոսել է նաեւ Հայաստանի ազգային հավաքականի եւ անգլիական «Մանչեսթեր Յունայթեդի» կիսապաշտպան Հենրիխ Մխիթարյանի մասին:
«Կյանքումս տեսել եմ 2 անհավանական պրոֆեսիոնալների: Առաջինը Հենրիխ Մխիթարյանն է, որն օրական 24 ժամ ապրում է ֆուտբոլով: Երկրորդը Դարի Սրնան է, որը մարզասրահում աշխատելուց առաջ մարզվում էր նաեւ դաշտում:
Ես շատ վշտացա` իմանալով, որ նրան մեղադրում են դոպինգ օգտագործելու մեջ: Դարիոն տխուր դեմքով շրջում էր մարզաբազայում, նրա համար շատ բարդ էր: Նա մի քանի կգ քաշ է գցել: Հուսով եմ, որ ամեն բան լավ կլինի, եւ նրան կարդարացնեն եւ կասեն, որ ամեն բան լավ է»,- «Моя гра» ալիքի եթերում ասել է Սերգեյ Կրիվցովը:
Հիշեցնենք, որ Հենրիխ Մխիթարյանը Դոնեցկի «Շախտյում» հանդես է եկել 2010-2013-ը: Խորվաթ պաշտպան Դարիո Սրնային 1-2 տարվա որակազարկում է սպառնում դոպինգ օգտագործելու համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։