Ֆեդերերը 3 մրցանակի է արժանացել ATP-ի մրցանակաբաշխությունում
15:08 10 նոյեմբերի, 2017Պրոֆեսիոնալ թենիսիստների ասոցիացիան (ATP) տարվա ամփոփիչ մրցանակաբաշխությունում հրապարակել է 2017 թվականի մրցանակակիրերի անունները:
Աշխարհի երկրորդ ռակետ Ռոջեր Ֆեդերերն արժանացել է «Տարվա վերադարձ» մրցանակին: 36-ամյա շվեյցարացին նաեւ 13-րդ անգամ մրցանակ է ստացել մարզական վարքի եւ արդար խաղի համար, ինչպես նաեւ 15-րդ անգամ ճանաչվել է երկրպագուների սիրելի խաղացող:
Տարվա լավագույն մարզիչ է ճանաչվել Նեւիլ Գոդվինը, որը հարավաֆրիկացի Կեւին Անդերսոնի նախկին մարզիչն է: «Տարվա առաջընթաց» անվանակարգում հաղթել է կանադացի Դենիս Շապովալովը:
Ռումինացի Հորյա Տեցեուն էլ մրցանակ է ստացել բարեգործություններին ակտիվ մասնակցություն ունենալու համար, փոխանցում է ATP մամուլի ծառայությունը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։