Ռուսաստանի երկրորդ ռակետ Կարեն Խաչանովը չի կարողացել նվաճել Միլանում ընթացող թենիսի ATP երիտասարդների տարվա ամփոփիչ մրցաշարի (Next Gen ATP Finals) փլեյ-օֆֆի ուղեգիր:
B խմբի երրորդ տուրում մոսկվացի թենիսիստը 5 սեթում 4:3, 4:2, 2:4, 0:4, 2:4 հաշվով պարտվել է խորվաթ Բորնա Չորիչին եւ լքել պայքարը: Մրցախաղը տեւել է 1 ժամ 51 րոպե:
Նոր ձեւաչափով անցկացվող մրցաշարում մրցախաղի հաղթողը պետք է առավելության հասնի 3 սեթերում, իսկ յուրաքանչյուր սեթ ավարտվում է այն ժամանակ, երբ թենիսիսներից մեկը հաղթում է 4 գեյմ:
Նախորդ 2 մրցախաղերում Կարեն Խաչանովը պարտվել էր ռուսաստանցի Դանիլ Մեդվեդեւին եւ հաղթել ամերիկացի Ջարեդ Դոնալդսոնի հետ: Կիսաեզրափակիչում Բորնա Չորիչը կխաղա ռուս Անդրեյ Ռուբլյովի հետ, իսկ Դանիլ Մեդվեդեւի մրցակիցը կլինի կորեացի Չոն Հյոնը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։