Գերմանիայի չեմպիոն Մյունխենի «Բավարիան» հետաքրքրված է հարձակվող Ջուզեպե Ռոսիի ծառայություններով, հաղորդում է Bild-ը: 30-ամյա իտալացի ֆուտբոլիստը հունիսից ունի ազատ գործակալի կարգավիճակ: Իտալիայի հավաքականի նախկին ֆուտբոլիստն անցած մրցաշրջանում վարձավճարով հանդես էր գալիս իսպանական «Սելտայում» (պայմանագիրը պատկանում էր «Ֆիորենտինային»): Կարիերայի ընթացքում նա ներկայացրել է նաեւ «Մանչեսթեր Յունայթեդը», «Նյուքասլը», «Պարման», «Վիլյառեալը» եւ «Լեւանտեն»:
Բազմաթիվ վնասվածքների պատճառով լուրջ հաջողությունների չհասած ֆուտբոլիստն այժմ մարզվում է «Նյու Յորք Ռեդ Բուլզի» մարզաբազայում, սակայն չի ցանկանում պայմանագիր կնքել ամերիկյան թիմի հետ:
«Բավարիան» հիմնական հարձակվող Ռոբերտ Լեւանդովսկու ծանրաբեռնվածությունը թեթեւացնելու նպատակով ցանկանում է ձեռք բերել եւս մեկ հարձակվողի արդեն հունվարին: Թեկնածուներից են նաեւ «Բարսելոնայի» խաղացող Պակո Ալկասերը եւ Լոնդոնի «Արսենալից» Դենի Ուելբեքը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։