Լոնդոնի Օլիմպիական խաղերի կազմակերպիչները լիբանանցի ձյուդոիստների խնդրանքով ստիպված են եղել մարզումային սրահը մեծ էկրանի օգնությամբ բաժանել երկու մասի: Լիբանանցի ձյուդոիստները հրաժարվել են նույն տատամիի վրա մարզվել իսրայելցի մարզիկների հետ:
Միջադեպը տեղի է ունեցել այն ժամանակ, երբ լիբանանցիները նկատել են, որ Ռեբրիջում իրենց կողքին մարզվում են հինգ իսրայելցիներ: Դրանից հետո Լիբանանի ներկայացուցիչները դիմել են Խաղերի կազմակերպիչներին՝ խնդրելով առանձնացնել մարզասրահը, հաղորդում է The Daily Star Lebanon-ը:
Լիբանանի Ազգային օլիմպիական կոմիտեն չի մեկնաբանել այս միջադեպը:
Հիշեցնենք, որ լիբանանցի Կարեն Չամասը եւ իսրայելցի Էլիս Շլեզինգերը հանդես են գալու 63 կգ քաշային կարգում, սակայն նրանք կարող են հանդիպել միայն եզրափակիչում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։