Հունաստանում անցկացվող շախմատի Եվրոպայի թիմային առաջնությունում հոկտեմբերի 31-ին կանցկացվեն չորրորդ տուրի մրցամարտերը:
Հայաստանի հավաքականը կմրցի Հոլանդիայի թիմի հետ: Հայկական թիմի առաջատար Լեւոն Արոնյանը սպիտակներով կխաղա Անիշ Գիրիի հետ: Երրորդ խաղատախտակի վրա հանդես եկող Գաբրիել Սարգսյանը եւս հանդես կգա սպիտակներով, իսկ Սերգեյ Մովսեսյանն ու Հրանտ Մելքումյանը կխաղան սեւ ֆիգուրներով:
Կանանց Հայաստանի հավաքականն ուժերը կչափի Հունաստանի առաջին թիմի հետ: Էլինա Դանիելյանը եւ Լիլիթ Գալոյանը կխաղան սեւ խաղաքարերով, իսկ Լիլիթ Մկրտչյանը եւ Մարիա Գեւորգյանը՝ սպիտակներով:
Պարտիաները կմեկնարկեն Երեւանի ժամանակով 17:00-ին:
Հիշեցնենք, որ նախորդ 3 տուրերում Հայաստանի հավաքականը հաղթել է շվեյցարացիներին ու հույներին եւ ոչ ոքի խաղացել Խորվաթիայի հետ, իսկ կանանց թիմն առավելության է հասել Հունաստանի երկրորդ թիմի եւ Սերբիայի նկատմամբ ու պարտվել Ուկրաինային:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։