Հունաստանում շարունակվող շախմատի Եվրոպայի թիմային առաջնությունում հոկտեմբերի 30-ին կկայանան երրորդ տուրի մրցամարտերը:
Հայաստանի հավաքականը կմրցի Խորվաթիայի թիմի հետ: Հայկական թիմի կազմում Լեւոն Արոնյանը եւ Գաբրիել Սարգսյանը կխաղան սեւերով, իսկ Սերգեյ Մովսեսյանն ու Հրանտ Մելքումյանը՝ սպիտակ ֆիգուրներով:
Կանանց Հայաստանի հավաքականը կմրցի Սերբիայի թիմի հետ: Էլինա Դանիելյանը եւ Լիլիթ Գալոյանը կխաղան սպիտակ խաղաքարերով, իսկ Լիլիթ Մկրտչյանը եւ Մարիա Կուսովան՝ սեւերով:
Պարտիաները կմեկնարկեն Երեւանի ժամանակով 17:00-ին:
Հիշեցնենք, որ նախորդ 2 տուրերում Հայաստանի հավաքականը հաղթել է շվեյցարացիներին ու հույներին, իսկ կանանց թիմն առավելության էր հասել Հունաստանի երկրորդ թիմի նկատմամբ եւ պարտվել Ուկրաինային:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։