Պրոֆեսիոնալ բռնցքամարտի գերծանր քաշային կարգում WBA, IBO եւ IBF վարկածներով աշխարհի չեմպիոն Էնթոնի Ջոշուան պաշտպանել է տիտղոսները:
Ուելսի մայրաքաղաք Քարդիֆում կայացած մենամարտում բրիտանացի բռնցքամարտիկը 10-րդ ռաունդում տեխնիկական նոկաուտով հաղթել է կամերունցի Կարլոս Տակամին: Մենամարտն անցել է հետաքրքիր պայքարում եւ 2 բռնցքամարտիկների մոտ էլ եղել արյունահոսություն: Ջոշուան վնասել է քիթը, իսկ Տակամին՝ հոնքը:
Մենամարտին ներկա են եղել «Մանչեսթեր Յունայթեդի» ֆուտբոլիստներ Զլատան Իբրահիմովիչն ու Մարկոս Ռոխոն: Մենամարտից առաջ շվեդ հարձակվողը եղել է Էնթոնի Ջոշուայի հանդերձարանում եւ իր ինքնագրով ձեռնոց նվիրել բռնցքամարտիկին:
Հիշեցնենք, որ Էնթոնի Ջոշուան ապրիլի 29-ին տեխնիկական նոկաուտով հաղթել էր աշխարհի նախկին չեմպիոն Վլադիմիր Կլիչկոյին, որը վերջերս հայտարարեց կարիերան ավարտելու մասին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։