Արտաշես Ներսիսյան. Ծանրորդուհիները մեծ ներուժ ունեն եւ կարող են դառնալ Տոկիո-2020-ի օլիմպիական թիմը
00:57 24 հոկտեմբերի, 2017Մեր աղջիկները մեծ ներուժ ունեն եւ կարող են դառնալ Տոկիո-2020-ի օլիմպիական թիմը, բայց դեռ շատ աշխատելու եւ կիլոգրամներն ավելացնելու տեղ կա:
Այս մասին NEWS.am Sport-ի թղթակցի հետ զրույցում ասաց ծանրամարտի կանանց Հայաստանի հավաքականի գլխավոր մարզիչ Արտաշես Ներսիսյանը՝ մեկնաբանելով երիտասարդ ծանրորդուհիները մրցելույթները մինչեւ 20 եւ 23 տարեկանների Եվրոպայի առաջնություններում:
«Ներուժ ունենք, բայց մեզ երկարատեւ աշխատանք է սպասվում: Ես ձգտում եմ եւ բոլորիս ցանկությունն է, որ մեծահասակներում էլ նույն արդյունքներն ունենանք, ինչ երիտասարդներում: Բայց այս կիլոգրամները դեռ շատ քիչ են:
Շատ լավ է, որ մեդալներ կան Եվրոպայի առաջնությունից, ոսկիներ կան: Բայց չպետք է հանգստանան: Աշխատել է պետք, անընդհատ առաջ գնալ: Այս ոսկիներն ու մեդալները դեռ վերջը չէ: Պետք է ամեն ինչ անենք, որ մեծահասակներում էլ ունենանք այս նույն պատկերը:
Նազիկ Ավդալյանի, Հռիփսիմե Խուրշուդյանի այն ժամանակվա արդյունքները շատ բարձր էին եւ այդպիսի արդյունքներ ունենալու համար մեր աղջիկները դեռ շատ կիլոգարմներ պետք է ավելացնեն:
Մրցակցությունը մեծ էր, մեդալները նվերների տեսքով չեղան: Բայց մեր աղջիկները կարողացան ճիշտ կիլոգրամներով մտնել պայքարի մեջ եւ լավ դրսեւորել իրենց այդ պայքարում: Սա խոսում է այն մասին, որ հայ ծանրորդուհիները մի քիչ ուժեղացել են»,- ասաց Արտաշես Ներսիսյանը:
Հիշեցնենք, որ Ալբանիայում ավարտված Եվրոպայի մինչեւ 20 տարեկանների առաջնությունում 75 կգ քաշային Սոնա Պողոսյանը եւ +90 կգ քաշային Արփինե Դալալյանը դարձել են հաղթող, 90 կգ քաշային Տաթեւ Հակոբյանը՝ փոխչեմպիոն, իսկ 58 կգ Իզաբելլա Յալյանը՝ բրոնզե մեդալակիր:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.