Անգլիական «Մանչեսթեր Յունայթեդի» ղեկավարությունը թիմի գլխավոր մարզիչ Ժոզե Մոուրինյոյին կառաջարկի նոր պայմանագիր, որով պորտուգալացի մասնագետը 5 տարում կվաստակի 54 միլիոն ֆունտ ստերլինգ, հաղորդում է Mirror-ը:
Ակումբի ղեկավարությունը գոհ է 54-ամյա մասնագետից, որը եւս ցանկանում է երկարաձգել պայմանագիրը, սակայն ակնկալում է աշխատավարձի բարձրացում:
Հիշեցնենք, որ Մոուրինյոն «Մանչեսթեր Յունայթեդը» գլխավորել է 2016թ. մայիսին՝ կնքելով 3 տարվա պայմանագիր: Նրա ղեկավարությամբ թիմը նվաճել է Անգլիայի սուպերգավաթը, Անգլիական լիգայի գավաթը եւ Եվրոպայի լիգայի գավաթը՝ ստանալով Չեմպիոնների լիգայի ուղեգիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։