ՊՍԺ-ի ֆրանսիացի հարձակվող Կիլիան Մբապեն արժանացել է Golden Boy մրցանակին, որն իտալական Tuttosport պարբերականն ամեն տարի հանձնում է Եվրոպայի լավագույն երիտասարդ ֆուտբոլիստին (մինչեւ 21 տարեկան):
Այս տարի մրցանակի համար պայքարում էին նաեւ Գաբրիել Ժեզուսը («Մանչեսթեր Սիթի») եւ Ուսման Դեմբելեն («Բարսելոնա»):
Մբապեն հավաքել է 300 ձայներից 291-ը եւ սահմանել ռեկորդ: Նախկինում ոչ մի ֆուտբոլիստի չէր հաջողվել Golden Boy ճանաչվել այդպիսի մեծ առավելությամբ:
Հիշեցնենք, որ նախորդ տարի Golden Boy մրցանակը ստացել էր Պորտուգալիայի հավաքականի կիսապաշտպան Ռենատու Սանչեշը, որին «Սուոնսին» այս ամռանը վարձակալել է Մյունխենի «Բավարիայից»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։