«Գուանչժոու Էվերգրանդը» 7-րդ տարին անընդմեջ դարձավ Չինաստանի չեմպիոն
00:15 23 հոկտեմբերի, 2017«Գուանչժոու Էվերգրանդը» 7-րդ տարին անընդմեջ հռչակվեց ֆուտբոլի Չինաստանի չեմպիոն:
Չինաստանի առաջնության 28-րդ տուրում Ֆելիպե Սկոլարիի գլխավորած թիմը 5:1 հաշվով հաղթել է «Գուանչժոու Չժիչենին» եւ մրցաշրջանի ավարտից 2 տուր առաջ 9 միավոր առաջ է անցել երկրորդ տեղում գտնվող «Շանհայ Շանգանից», որն ապահովել է արծաթե մեդալ:
Բրազիլիայի եւ Պորտուգալիայի հավաքականների ու Լոնդոնի «Չելսիի» նախկին գլխավոր մարզիչ Ֆելիպե Սկոլարին երրորդ անգամ դարձավ Չինաստանի չեմպիոն: «Գուանչժոու Էվերգրանդի» կազմում հանդես են գալիս 4 լեգեոնականներ՝ բրազիլացիներ Ալան Դուգլասը, Մուրիկին ու Ռիկարդու Գուլարտը, ինչպես նաեւ կորեացի Կիմ Յունգ Վոնը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։