Էդգար Մալաքյանն անվրեպ է իրացրել 11 մետրանոց հարվածը
16:51 22 հոկտեմբերի, 2017Ֆուտբոլի Ուկրաինայի առաջնության 13-րդ տուրում Կամենսկի «Ստալը» 1:1 հաշվով ավարտեց Օդեսայի «Չեռնոմորեցի» դեմ արտագնա խաղը:
«Ստալի» պատասխան գոլը խփեց Հայաստանի հավաքականի կիսապաշտպան Էդգար Մալաքյանը, որը 62-րդ րոպեին անվրեպ իրացրեց 11 մետրանոց հարվածը: 29-րդ րոպեին Էդգարը ստացավ դեղին քարտ, իսկ 88-րդ րոպեին փոխարինվեց: Գոռ Մալաքյանը «Ստալի» մեկնարկային կազմում անցկացրեց ամբողջ հանդիպումը, իսկ 19-ամյա պաշտպան Արթուր Դանիելյանը հայտավորվել էր դաշտի տերերի փոխարինողների թվում:
«Ստալն» 9 միավորով վերջին՝ 12-րդ տեղում է, իսկ «Չեռնոմորեցն» ունի մեկ միավոր ավելի:
Պոլտավայի «Վորսկլան» տանը նվազագույն հաշվով պարտվել է Լվովի «Կարպատներին»: Հայաստանի հավաքականի հարձակվող Գեղամ Կադիմյանը «Վորսկլայի» մեկնարկային կազմում հանդես է եկել 79 րոպե:
Ուկրաինայի առաջնություն, 13-րդ տուր
«Ստալ» - «Չեռնոմորեց»՝ 1:1
Էդգար Մալաքյան, 62 (11մ) – Դենիս Վասին, 52
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։