Ֆուտբոլի Հայաստանի Բարձրագույն խմբի 10-րդ տուրի վերջին խաղում գործող չեմպիոն «Ալաշկերտն» ընդունեց փոխչեմպիոն «Գանձասար-Կապանին» եւ պարտվեց 0:3 հաշվով: Կապանցիներից մեկական անգամ աչքի ընկան Հայկ Իշխանյանը, ռուս պաշտպան Դմիտրի Յաշինը եւ զամբիացի կիսապաշտպան Լումբաբո Մուսոնդան:
Այս պարտությունը 20 միավոր ունեցող «Ալաշկերտին» չխանգարեց մնալ առաջին տեղում: Գյումրիի «Շիրակն» ունի 18 միավոր, իսկ «Գանձասար-Կապանը» 15 միավորով բարձրացավ երրորդ տեղ:
Հիշեցնենք, որ տուրի մյուս՝ «Շիրակ» - «Փյունիկ» եւ «Բանանց» - «Արարատ» խաղերում գրանցվել էր գոլազուրկ ոչ ոքի:
Հայաստանի առաջնություն, 10-րդ տուր
«Ալաշկերտ» - «Գանձասար-Կապան»՝ 0:3
Հայկ Իշխանյան, 7, Դմիտրի Յաշին, 29, Լումբաբո Մուսոնդա, 49
Հոկտեմբերի 21
«Շիրակ» - «Փյունիկ»՝ 0:0
Հոկտեմբերի 20
«Բանանց» - «Արարատ»՝ 0:0
Ֆոտո՝ «Գանձասար-Կապանի» մամուլի ծառայություն
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։