Գերմանիայի չեմպիոն Մյունխենի «Բավարիան» Յուպ Հայնկեսի գլխավորությամբ տարավ երկրորդ անընդմեջ հաղթանակը Բունդեսլիգայում: Մեկ հաղթանակ էլ թիմը տարել էր Չեմպիոնների լիգայում «Սելթիկի» նկատմամբ: Գերմանիայի առաջնության 9-րդ տուրում «Բավարիան» հյուրընկալվեց «Համբուրգին» եւ հանդիպման մեծ մասն անցկացրեց թվային առավելությամբ: 39-րդ րոպեին կոպիտ սահանկման համար կարմիր քարտ ստացավ դաշտի տերերի պաշտպան Ջիդեն Յունգը: Հյուրերը առավելությունը գոլի վերածեցին երկրորդ խաղակեսում: Աչքի ընկավ ֆրանսիացի կիսապաշտպան Կորենտին Տոլիսոն:
«Բավարիան» 20 միավորով հավասարվեց առաջատար Դորտմունդի «Բորուսիային», որին զիջում է խփած եւ բաց թողած գոլերի տարբերությամբ:
Գերմանիայի առաջնություն, 9-րդ տուր
«Համբուրգ» - «Բավարիա»՝ 0:1
Կորենտին Տոլիսո, 52
Հեռացում ՝ Ջիդեն Յունգ («Համբուրգ»), 39
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։