Կասիլյասը հեռացվել է «Պորտուի» մեկնարկային կազմից կարգապահական խախտման համար
00:03 21 հոկտեմբերի, 2017Պորտուգալական «Պորտուի» իսպանացի դարպասապահ Իկեր Կասիլյասը հեռացվել է թիմի մեկնարկային կազմից կարգապահական խախտման համար, հաղորդում է O Jogo-ն:
36-ամյա ֆուտբոլիստը մարզումների ժամանակ ակտիվ օգտվել է սմարթֆոնից, թեեւ ակումբում արգելված է: Մարզչական շտաբը նաեւ դժգոհ է մարզումների նկատմամբ Կասիլյասի վերաբերմունքից:
Չեմպիոնների լիգայի երրորդ տուրում Կասիլյասը մնացել էր պահեստայինների նստարանին: «Պորտուն» 2:3 հաշվով պարտվեց Գերմանիայի փոխչեմպիոն «ՌԲ Լայպցիգին»: Կասիլյասը չի լինի մեկնարկային կազմում նաեւ Պորտուգալիայի առաջնության 9-րդ տուրի խաղում: Հոկտեմբերի 21-ին «Պորտուն» կխաղա «Պասուշ դե Ֆերեյրայի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։