Անտոնիո Կոնտե. Այս մրցաշրջանում 70 տոկոս քիչ ենք աշխատում
23:19 20 հոկտեմբերի, 2017Լոնդոնի «Չելսիի» իտալացի գլխավոր մարզիչ Անտոնիո Կոնտեն հաստատաել է անգլիական մամուլի հրապարակումները, որոնց համաձայն Անգլիայի չեմպիոններն այս մրցաշրջանում զգալիորեն կրճատել են մարզումային ծանրաբեռնվածությունը:
«Ծանրաբեռնվածության վերաբերյալ խաղացողների դժգոհության մասին ինձ ոչինչ հայտնի չէ: Բայց ճիշտ է, որ այս մրցաշրջանում 70 տոկոսով քիչ ենք աշխատում մարզումների ժամանակ, քանի որ ամեն երեք օրը մեկ հանդիպում ունենք: Նույն խաղացողներին ամեն խաղում մեկնարկային կազմում ընդգրկելը շատ խնդրահարույց է»,- Կոնտեի խոսքը մեջբերում է Goal.com-ը:
Նախորդ երեք հանդիպումներում «Չելսին» հաղթանակ չի տարել: Անգլիայի առաջնությունում թիմը պարտվել է առաջատար «Մանչեսթեր Սիթիին» եւ հետնապահ «Քրիսթալ Փելասին», իսկ Չեմպիոնների լիգայի երրորդ տուրում ոչ ոքի է խաղացել իտալական «Ռոմայի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։