Չավի. Մեսիի հարսանիքի ժամանակ Նեյմարն ինձ ասաց, որ երջանիկ չէ «Բարսելոնայում»
16:15 20 հոկտեմբերի, 2017Իսպանիայի հավաքականի եւ «Բարսելոնայի» լեգենդար կիսապաշտպան Չավին պատմել է, որ ֆրանսիական ՊՍԺ տեղափոխված բրազիլացի հարձակվող Նեյմարը կատալոնական ակումբից հեռանալու մտադրության մասին իրեն հայտնել է Լիոնել Մեսիի հարսանիքին, որը տեղի էր ունեցել հունիսի 30-ին Արգենտինայի Ռոսարիո քաղաքում:
«Նեյմարն իր հեռանալու մասին հայտնեց Մեսիի հարսանիքի օրը: Հարցիս, թե ինչու է նա նման որոշում կայացրել, Նեյմարը պատասխանեց, որ երջանիկ չէ «Բարսելոնայում»,- քաթարյան «Ալ Սադի» 37-ամյա ֆուտբոլիստ Չավիի խոսքը մեջբերում է Seleção Brasileira-ն:
Հիշեցնենք, որ Նեյմարին ձեռք բերելու համար ՊՍԺ-ն այս ամռանը 222 միլիոն եվրո էր վճարել «Բարսելոնային»: Դա ֆուտբոլի պատմության ամենաթանկ տրանսֆերն էր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։