Ինչ է Լուկակուն խաղից հետո ասել «Բենֆիկայի» դարպասապահին
13:12 20 հոկտեմբերի, 2017Լիսաբոնի «Բենֆիկայի» դարպասապահ Միլե Սվիլարը պատմել է, թե «Մանչեսթեր Յունայթեդի» բելգիացի հարձակվող Ռոմելու Լուկակուն իրեն ինչ է ասել Չեմպիոնների լիգայի երրորդ տուրի խաղի վերջում: Հանդիպումից հետո Լուկակուն աջակցել էր բելգիացի 18-ամյա դարպասապահին, որի սխալի պատճառով «Բենֆիկան» գոլ էր բաց թողել եւ պարտվել:
«Դա հրաշալի էր: Նա ասաց, որ պետք չէ դուխաթափ լինել: Պետք է շարունակել աշխատել եւ ամեն բան լավ կլինի»,- Միլե Սվիլարի խոսքը մեջբերում է United Xtra-ն:
Հիշեցնենք, որ Լիսաբոնում կայացած հանդիպման երկրորդ խաղակեսում տուգանային հարվածի ժամանակ Միլե Սվիլարը որսացել էր գնդակը եւ մտել դարպասի մեջ: «Մանչեսթեր Յունայթեդը» հաղթել էր նվազագույն հաշվով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։