Սարսափելի վնասվածք NBA-ում
09:11 19 հոկտեմբերի, 2017«Բոստոնի» հարձակվող Գորդոն Հեյվորդը ոտքի կոտրվածք է ստացել «Քլիվլենդի» դեմ Բասկետբոլի ազգային ասոցիացիայի (NBA) կանոնավոր առաջնության առաջին տուրի խաղում, որում NBA-ի փոխչեմպիոնը տնային հաղթանակ էր տարել 102:99 հաշվով:
Առաջին քառորդի ժամանակ ամերիկացի բասկետբոլիստը ոտքը վնասել է անհաջող վայրէջք կատարելու պատճառով: Հեյվորդը խաղահրապարակը լքել է պատգարակով՝ երկրպագուների ծափահարությունների ներքո: Նա կարող է բաց թողնել այս մրցաշրջանը, կամ խաղահրապարակ վերադառնալ վերջնամասում:
Հիշեցնենք, որ Գորդոն Հեյվորդն այս ամռանը «Յուտայից» էր տեղափոխվել «Բոստոն», որի հետ կնքել է 5 տարվա պայմանագիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։