«Մանչեսթեր Յունայթեդը» 31 միլիոն ֆունտ է խնայել Ռունիից բաժանվելու շնորհիվ
14:34 18 հոկտեմբերի, 2017«Մանչեսթեր Յունայթեդն» անգլիացի հարձակվող Ուեյն Ռունիին այս ամռանը 10 միլիոն ֆունտ ստերլինգ է վճարել «Էվերտոն» տեղափոխվելու համար:
The Sun-ի համաձայն՝ այս տեղափոխության շնորհիվ անգլիական ակումբը խնայել է 31 միլիոն ֆունտ ստերլինգ: Այդ գումարը «Մանչեսթեր Յունայթեդը» պետք է վճարեր Ռունիին, եթե նա չխզեր պայմանագիրը եւ թիմում մնար եւս 2 մրցաշրջան:
Collins Sarri Statham ներդրումային ընկերության տվյալներով՝ 31-ամյա Ռունիի տրանսֆերը ֆինանսական առումով ձեռնտու է եղել «Մանչեսթեր Յունայթեդի» համար:
Հիշեցնենք, որ Ուեյն Ռունին 2004-2017-ը «Մանչեսթեր Յունայթեդի» կազմում անցկացրած 559 խաղերում խփել է 253 գոլ եւ, գերազանցելով անգլիացի լեգենդար հարձակվող Բոբի Չարլթոնի ռեկորդը, դարձել էր ակումբի պատմության լավագույն ռմբարկուն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։