Ռոնալդուն երգել է Չեմպիոնների լիգայի հիմնը, երկրպագուները կատակում են սոցցանցերում
15:44 18 հոկտեմբերի, 2017Մադրիդի «Ռեալի» պորտուգալացի հարձակվող Կրիշտիանու Ռոնալդուն Լոնդոնի «Տոտենհեմի» դեմ Չեմպիոնների լիգայի խմբային փուլի երրորդ տուրի խաղից առաջ կատարել է մրցաշարի հիմնը:
Այդ կապակցությամբ երկրպագուները կատակել են սոցիալական ցանցերում: Շատերը նշել են, որ Ռոնալդուն առաջին ֆուտբոլիստն է, որ հանդիպումից առաջ երգում է Չեմպիոնների լիգայի հիմնը: Ոմանք էլ կարծիք են հայտնել, որ Պորտուգալիայի հավաքականի ավագը արել է դա, քանի որ Չեմպիոնների լիգան նրա ամենասիրելի մրցաշարն է:
Հիշեցնենք, որ Մադրիդում կայացած խաղն ավարտվել էր 1:1 հաշվով, իսկ դաշտի տերերի պատասխան գոլն առաջին խաղակեսի վերջնամասում 11 մետրանոցից խփել էր հենց Ռոնալդուն: «Տոտենհեմի» ու «Ռեալի» միջեւ Չեմպիոնների լիգայի խմբային փուլի երկրորդ շրջանի խաղը կայանալու է նոյեմբերի 1-ին Լոնդոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։