Հենրիխ Մխիթարյանը Լիսաբոնում հանդիպել է Գեւորգ Ղազարյանին (ֆոտո)
13:52 18 հոկտեմբերի, 2017Անգլիական «Մանչեսթեր Յունայթեդի» կիսապաշտպան Հենրիխ Մխիթարյանը Լիսաբոնում հանդիպել է Հայաստանի հավաքականում իր թիմակից Գեւորգ Ղազարյանի հետ: Պորտուգալական «Մարիտիմուի» կիսապաշտպանը Մխիթարյանին հաջողություն է մաղթել Լիսաբոնի «Բենֆիկայի» դեմ Չեմպիոնների լիգայի խմբային փուլի երրորդ տուրի խաղից առաջ:
«Շատ ուրախ եմ տեսնել քեզ, ընկերս: Հաջողություն»,- ֆեյսբուքյան էջում գրել է Գեւորգ Ղազարյանը, որը շարունակում է վերականգնվել մարտի 26-ին Երեւանում կայացած Ղազախստանի հավաքականի դեմ աշխարհի առաջնության ընտրական խաղում ստացած ծնկի լուրջ վնասվածքից:
Հիշեցնենք, որ «Մանչեսթեր Յունայթեդի» եւ «Բենֆիկայի» միջեւ խաղը տեղի կունենա հոկտեմբերի 18-ին Լիսաբոնում եւ կսկսվի Երեւանի ժամանակով 22:45-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։