Թիմային արդյունքն ավելի կարեւոր է, չեմ կենտրոնանում անհատական արդյունավետության վրա, ասել է «Տորպեդո-Բելազի» եւ Հայաստանի հավաքականի կիսապաշտպան Կամո Հովհաննիսյանը «Գոմելի» դեմ Բելառուսի առաջնության 25-րդ տուրի խաղում հաղթական գոլի հեղինակ դառնալուց հետո:
«Շատ ծանր հանդիպում էր, բայց մենք պայքարեցինք մինչեւ վերջին վայրկյանը եւ արժանի հաղթանակ տարանք: Խաղադաշտի վատ վիճակը թույլ չտվեց գեղեցիկ խաղ ցուցադրել, բայց կարեւորը 3 միավորն է: Առաջնությունում երկրորդ գոլն եմ խփում: Իհարկե, հաճելի է աչքի ընկնել, քանի որ դա խաղի իմաստն է»,- Կամո Հովհաննիսյանի խոսքը մեջբերում է ակումբի մամուլի ծառայությունը:
Հիշեցնենք, որ 25-ամյա Հովհաննիսյանի գոլի շնորհիվ «Տորպեդո-Բելազը» հաղթել է նվազագույն հաշվով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։