ԱԱ-2018-ի անցումային խաղերի վիճակահանության արդյունքները
16:30 17 հոկտեմբերի, 2017Ցյուրիխում կայացել է ֆուտբոլի 2018թ. աշխարհի առաջնության ընտրական փուլի եվրոպական գոտու մրցաշարի անցումային խաղերի վիճակահանությունը: 4 զույգերի հաղթողները կնվաճեն Ռուսաստանում անցկացվելիք ԱԱ-2018-ի ուղեգիր:
Իտալիայի հավաքականին բաժին հասավ Շվեդիայի թիմը, իսկ դանիացիները կմրցեն Իռլանդիայի հետ: Մյուս 2 զույգերն են՝ Խորվաթիա - Հունաստան, Հյուսիային Իռլանդիա - Շվեյցարիա:
ԱԱ-2018-ի ընտրական փուլ, եվրոպական գոտի, անցումային խաղեր
Հյուսիային Իռլանդիա – Շվեյցարիա
Խորվաթիա – Հունաստան
Դանիա – Իռլանդիա
Շվեդիա – Իտալիա:
Առաջին հանդիպումները կկայանան նոյեմբերի 9-11-ը, իսկ պատասխան խաղերը՝ նոյեմբերի 12-14-ը, փոխանցում է ՈւԵՖԱ-ի կայքը:
Հիշեցնենք, որ եվրոպական գոտու ընտրական մրցաշարից խմբերում առաջին տեղով ԱԱ-2018-ի ուղեգիր էին ապահովել աշխարհի չեմպիոն Գերմանիայի, Եվրոպայի չեմպիոն Պորտուգալիայի, Իսպանիայի, Անգլիայի, Ֆրանսիայի, Բելգիայի, Սերբիայի, Իսլանդիայի եւ Լեհաստանի հավաքականները:
Երկրորդ տեղ գրաված թիմերից պայքարը լքել էր Սլովակիայի հավաքականը, որը F խմբում հավաքել էր 18 միավոր: Ընտրական 9 խմբերում անցումային խաղերի ուղեգիր չէր նվաճում միայն երկրորդ տեղ գրաված վատագույն ցուցանիշով հավաքականը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.