Անգլիայի հավաքականի դարպասապահը վնասվածք է ստացել բակում որդու հետ խաղալիս

14:10   17 հոկտեմբերի, 2017

«Վեստ Բրոմվիչի» գլխավոր մարզիչ Տոնի Պլյուիսը պատմել է, թե ինչու է Անգլիայի հավաքականի դարպասապահ Բեն Ֆոստերը բաց թողել «Լեսթերի» դեմ Պրեմյեր լիգայի 8-րդ տուրի խաղը:

«Նա ծնկի վնասվածք էր ստացել որդու հետ բակում խաղալիս: Ֆոստերը նախկինում վնասել էր ծնկի խաչաձեւ կապանները, այդ պատճառով մենք չցանկացանք ռիսկի դիմել: Նրա ոտքն արդեն նկարել են, եւ շուտով հայտնի կդառնա վնասվածքի լրջությունը»,- մարզիչի խոսքը մեջբերում է BBC-ն:

Հիշեցնենք, որ նախօրեին կայացած «Լեսթեր» - «Վեստ Բրոմվիչ» խաղն ավարտվեց 1:1 հաշվով:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։