Լոնդոն-2012. հայ ձյուդոիստներն իմացան իրենց մրցակիցներին

14:39   27 հուլիսի, 2012

Լոնդոնում կայացել է 30-րդ ամառային Օլիմպիական խաղերի ձյուդոյի մրցումների վիճակահանությունը: Այս մարզաձեւում Հայաստանը ներկայացնում են՝ 60 կգ քաշային Հովհաննես Դավթյանը եւ 66 կգ քաշային Արմեն Նազարյանը:

Հուլիսի 28-ին կայանալիք առաջին գոտեմարտում Հովհաննես Դավթյանի մրցակիցը կլինի գերմանացի Տոբիաս Էնգլեմայերը: Այս գոտեմարտի հաղթողը հաջորդ փուլում ուժերը կչափի Ադրբեջանի ներկայացուցիչ Իլգար Մուշկիեւի հետ:

Արմեն Նազարյանը պայքարը կսկսի երկրորդ շրջանից: Նրա մրցակիցը կլինի Նոր Գվինեն ներկայացնող Ռայմոնդ Օվինուն, հաղորդում է մրցումների պաշտոնական կայքը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։