Հայ մարմնամարզիկները մեդալներ են նվաճել Թբիլիսիում
16:05 16 հոկտեմբերի, 2017Մարմնամարզության Հայաստանի հավաքականը Թբիլիսիում մասնակցել է ՎՏԲ գավաթի խաղարկությանը: Հայկական թիմի բոլոր մարմնամարզիկները մեդալներ են նվաճել, հայտնում է ՀԱՕԿ-ի մամուլի ծառայությունը:
Մեծահասակների մրցաշարում Արթուր Թովմասյանն օղակների վարժությունում դարձել է մրցաշարի հաղթող: Վիգեն Խաչատրյանը երրորդ տեղն է զբաղեցրել բազմամարտում եւ օղակներում:
Երիտասարդների պայքարում Ժորա Սմբատյանը ոսկե մեդալակիր է դարձել բազմամարտում եւ օղակների վարժությունում: Պտտաձողի վարժությունում Սմբատյանը երկրորդն էր:
Գագիկ Խաչատրյանն առաջին տեղն է զբաղեցրել նժույգթափերում, իսկ ազատ վարժությունում՝ երրորդը: Էրիկ Բաղդասարյանն էլ հաղթել է պտտաձողում եւ զուգափայտերում:
Թիմային հաշվարկով Հայաստանի հավաքականը գրավել է երկրորդ տեղը՝ զիջելով միայն Ռուսաստանին: Վրաստանը եզրափակել է լավագույն եռյակը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։