Արթուր Սողոյանը` միջազգային մրցաշարի հաղթող

Թեհրանում կայացած թենիսի մինչեւ 18 տարեկանների ITF շարքի մրցաշարում Հայաստանի ներկայացուցիչ Արթուր Սողոյանը նվաճել է հաղթողի կոչումը։

Մրցաշարին մասնակցել են աշխարհի տարբեր երկրների ուժեղագույն թենիսիստներ։ Հավաքականի գլխավոր մարզիչ Վահե Ավետիսյանը մեկնաբանել է Սողոյանի ելությը.

«Արթուրն իր տարիքային խմբում լավագույնն է Հայաստանում։ Նա 15 տարեկան է ու այս մրցաշարում հաղթել է նաեւ իրենից մեծերին»,- ՀԱՕԿ լրատվականի հետ զրույցում ասաց Վահե Ավետիսյանը։

Մարզիչը նշել է, որ հաջորդ շաբաթ Երեւանում կկայանա մինչեւ 18 տարեկան տղաների եւ աղջիկների ITF մրցաշար, որին կմասնակցեն նաեւ Հայաստանի հավաքականի անդամները։